Prev

Next

Taking India to a global level, says Kudumbamalar

by Pritya Books on May 13, 2007

“This book has taken the regional food of India to a global level…truly deserving of the best vegetarian cookbook in the world award,” says Tamil magazine ‘Kudumbamalar’ which is a supplement of Daily Thandi. Jigyasa & Pratibha were featured for winning the award for Best vegetarian cookbook in the World with their Andhra vegetarian cookbook, “Cooking at Home with Pedatha”.

Kudumbamalar features vegetarian Cookbook authors

Here is a transcript of the original article:
உலக அளவிலான சினிமாவுக்கு ஆஸ்கார் விருது எப்படியோ, அது மாதிரி உலக அளவிலான புத்தக விருதுகளுக்கு கோர்மென்ட் விருது. பிராங்க்பர்ட் நகரில் கடந்த 12 ஆண்டுகளுக்கு முன்பு எடோயார்டு காயின்ட்ரூ என்பரால் ஆரபிக்கப்பட்ட இந்த விருதை சமீபத்தில் சமையல் பற்றிய புத்தகத்துக்காக தட்டிச்சென்றவர்கள் ஜிக்யாசா கிரியும், பிரதீபா ஜெயின்.
இவர்களில் ஜிக்யாசா மறைந்த ஜனாதிபதி வி.வி. கிரி பேரனின் மனைவி, கதக் நடனக்கலைஞர்.
அடுத்தவர் பிராதீபா ஜெயின், சென்னை பல்கலை கழகத்தில் தத்துவ இயல் படித்தவர்.
இவர்கள் இருவரும் இணைந்து உருவாக்கிய சமையல் புத்தகத்துக்குத்தான் கோர்மென்ட் விருது கிடைத்து, இந்தியாவின் ஒரு மாநில சமையலை உலக கவனத்துக்கும் உயரிய தரத்துக்கும் கொண்டு போயிருக்கிறது.
ஆந்திராவின் சைவ சமையலை அடிப்படையாக கொண்டது இவர்கள் உருவாக்கிய ‘குக்கிங் அட்ஹோம் வித் பெதத்தா’ புத்தகம். இந்த புத்தகத்துக்கு உலகின் மிக சிறந்த சமையல் புத்தக வடிவமைப்பு, சிறந்த சமையல் புத்தகப் புகைப்படம், சிறந்த அட்டை, சிறந்த உள்ளூர் சமையல் புத்தகம், சிறந்த சைவ சமையல் புத்தகம், சிறந்த முதலாவது சமையல் புத்தகம் என்ற தகுதிகளின் அடிப்படையில் மொத்தம் 6 கோர்மென்ட் விருதுகள் கிடைத்துள்ளன. சீனாவில் பெய்ஜிங் நகரில் நடைபெற்ற விழாவில் இதற்கான விருதுகள் வழங்கப்பட்டன.
அதோடு லண்டன் புத்தக கண்காட்சியில் லீத் ரண்டை ரெஸ்ட்டாரன்ட்டை அலங்கரிக்க தேர்வு செய்யப்பட்ட புத்தகங்களுள் இதுவும் ஒன்று.
ஜிக்யாசா, பிராதீபா இருவருமே அடிப்படையில் வேறு வேறு தொழில் சார்ந்தவர்கள். இவர்கள் எப்படி சமையல் துறையில் இப்படியொரு சாதனை நிகழ்த்த முடிந்தது என்ற கேள்வி எழுகிறதல்லவா.. இதையே நாமும் இவர்களிடம் கேட்டோம்.
ஜிக்சாயா சொன்னார்: “நானும் பிரதீபாவும் நல்ல தோழிகள். ஜனாதிபதியாக இருந்த வி.வி.கிரியின் மூத்த மகள் சுபத்ரா கிருஷ்ணராவ் பர்கி எனது மதிப்புக்கும் மரியாதைக்கும் உரியவர். அவரை பெதத்தா என்று மரியாதையுடன் அழைப்போம். இப்போது அவருக்கு 86 வயது ஆகிறது. குஜராத்தை சேர்ந்த நான் இவர்கள் வீட்டு மருமகளான பிறகு அடிகடி ஆந்திரா வந்து இவர்களை பார்க்க வருவதுண்டு. அப்போது இவர்களின் கைப்பக்குவ சமையல் ருசியில்கிறங்கிப் போயிருக்கிறேன். எப்படி இத்தனை நேர்த்தியான கைப்பக்குவம் என்று ஆச்சிரியப்பட்டபோது அவரது சமையல்வகைகள் பற்றிய குறிப்பையும் தந்தார். இதை எனது சிநேகிதி பிரதீபா தனது லேப்டாப்பில் பதிவு செய்து கொண்டார்.
ஆந்திரா உணவு வகைகள் என்றாலே காரம் கூடுதலாக இருக்குமே. குஜராத் பெண்ணான எனக்கு அது ஒத்துக்கொண்டதா என்று ஒரு கேள்வி எழும். அவர்கள்தரும் சுவையில் எல்லாச் சுவையும் சரிவர கலந்திருப்பதால் காரம் என்று தனித்துத் தெரியாது. அதுவும் சைவ உணவு வகைகளில் அத்தனை சுவையான ஆந்திர சமையலை நானும் அதுவரை ருசித்ததில்லை.
இந்த ருசி செய்த மாயம் தான் இது மாதிரியான ஒரு போட்டி என்றதும் எங்களை அதில் துணிந்து இறங்கச் செய்தது. பெதத்தாவின் நேர்த்தியான சமையல் கைவண்ணமே. அத்தனையையும் ஒரு தேர்ந்த லேஅவுட் முறையில் வடிவமைத்தோம். ஒவ்வொரு பக்கத்திலும் அவரது சமையல் பற்றிய ஆலோசனைகளையும் இடம் பெறச் செய்தோம். புத்தகத்தை படிப்பவர்கள் யாராயினும் அவர்கள் சமையல் மணத்துடன் கலந்து விட வேண்டும் என்கிற எங்கள் முயற்சிக்கு முழு வெற்றி கிடைத்தது.
இதை மனதில் கொண்டு தான் புத்தகத்தின் கடைசிப் பக்கத்தில் பெதத்தாவின் கைப்பக்குவத்துக்கு நன்றி சொல்லும் விதத்தில் எங்கள் உணர்ச்சியை ஒரு கவிதையாக வடித்தோம். இதற்குக் காரணம் இந்த புத்தகத்தை சமையல் நுணுக்கத்துக்காகப் புரட்டுபவர்கள் கூட, முடிவில் தங்களை நிபுணர்களாக உணருவார்கள். அப்படியான மேஜிக்கை இந்தப்புத்தகம் செய்து விடுகிறது. என்ன தான் சொல்லியிருக்கிறார்கள் பார்ப்போமே என்று கண்களை பதிக்கிறவர்கள் கூட, கடைசியில் இந்த நேர்த்தியான சமையல் குறிப்புகளின் மீது காதலாகி விடுகிறார்கள் என்பது நாங்கள் கண்ட உண்மை.
ஒரு முறை பெதத்தாவை சந்தித்த போது ஜனாதிபதி வி.வி.கிரியின் மெனு பற்றி சொன்னார்கள். அதையும் இந்த புத்தகத்தில் இடம் பெற செய்தோம். இதை பார்த்ததும் பெதத்தா நெகிழ்ந்து போய் விட்டார். வாழ்க்கையின் பெரும் பகுதி ஆரோக்கியத்தை நாம் உட்கொள்ளும் உணவு தான் முடிவு செய்கிறது. இந்த வகையில் இந்த சமையல் புத்தகம் தங்களின் நலம் விரும்பும் ஒவ்வொருக்கும் நிச்சயம் ஏற்றதாயிருக்கும்.
ஒவ்வொரு வருடமும் 60 நாடுகளில் இருந்து 40 மொழிகளில் சமையல் புத்தகங்கள் இந்தப் போட்டிகென வருவதாக அமைப்பாளார்கள் கூறினார்கள். மனதோடு கலந்து போகிற மணமாக எங்கள் வரவாக்கம் வெற்றி பெற்றிருக்கிறதென்றால் சமையல் கலையோடு தன்னை அர்பணித்துக்கொண்ட பெதத்தாவின் பங்களிப்பே இதற்குக் காரணம்.”

(As appeared in Tamil magazine ‘Kudumbamalar’ – May 13, 2007)

Share...Share on Google+Pin on PinterestShare on LinkedInTweet about this on TwitterShare on FacebookShare on TumblrDigg this

Related posts:

  1. “Authentic and Simple Cookbook” – ITC Kitchens of India

Leave a Comment